د غزني پوهنتون شرعیاتو پوهنځي ۲۰ تنه محصلینو د دری ورځني علمي په ترڅ کې؛ د کندهار پوهنتون ترڅنګ د مرحوم امیرالمؤمنین ملا محمد عمر مجاهد له مزار څخه هم لیدنه ترسره کړه.
د غزني پوهنتون د محصلانو چارو معاونیت له لوري د پلان شوي درې ورځنی علمي سفر په ترڅ کې د شرعیاتو پوهنځي (٢٠) تنو محصلینو د کندهار پوهنتون ترڅنګ د مرحوم امیرالمؤمنین ملا محمد عمر مجاهد له مزار څخه هم لیدنه ترسره کړه.
دغه علمي سفر د محصلینو د علمي ظرفیت لوړولو، عملي تجربو د زیاتوالي او د علمي او دیني بنسټونو سره د نیږدې بلدتیا په موخه تنظیم شوی ؤ.
په یاد سفر کې د محصلانو چارو مرستیال مفتي عزت الله نوري، د فارغانو عمومي مدیر، دوه تنه استادان او ۲۰ تنه محصلینو ګډون درلود؛ چې پرمهال یې محصلينو د کندهار پوهنتون له علمي چاپېریال، تدریسي سیستم، اداري جوړښت او کتابتون، جهادي مدرسې، اطلاعاتو او کلتور ریاست، حج او اوقافو ریاست او له یو شمېر تاریخي ځایونو، لکه: خرقه مبارکه، د احمد شاه بابا زیارت، چهل زینو، د میرویس خان نیکه مقبره ،د حضرت ولي بابا مزار څخه لیدنه وکړه.
همداراز د یاد سفر په جریان کې محصلینو په زابل ولایت کې د مرحوم امیرالمؤمنین ملا محمد عمر مجاهد له مزار څخه هم لیدنه وکړه او د هغه د ژوند، کارنامو او فعالیتونو په اړه معلومات ورسره شریک شول.
د مفتي صاحب نوري په وینا، دغه علمي سیر د محصلینو لپاره له علمي او عملي پلوه ګټور تمام شو او هغوی وکولای شول د خپلو زده کړو اړوند موضوعاتو عملي درک ترلاسه کړي.
د نشراتو او عامه اړیکو عمومي مدیریت
نېټه: یکشنبه
۱۴۴۷هـ.ق، ذوالقعدة الحرام ٩ مه
۱۴۰۵هـ.ش، ثور ٦ مه
۲۰۲۶م، اپریل ٢٦ مه
