د غزني پوهنتون د تعلیم او تربیې پوهنځي د ۱۴۰۳ ه.ش کال د څلورم ټولګي د ریاضي څانګي د محصلینو د پایلیک ( مونوګراف) دفاع ګاني پیل شوې.
سه شنبه: ۲۸/ ربیع الاول/ ۱۴۴۶ه.ق
۱۰/ میزان/ ۱۴۰۳ه.ش
۱/اكتوبر/۲۰۲۴م
د غزني پوهنتون د تعلیم او تربیې پوهنځي د ۱۴۰۳ ه.ش کال د څلورم ټولګي د ریاضي څانګي د محصلینو د پایلیک ( مونوګراف) دفاع ګاني پیل شوې د دغو مراسمو د پیل سره سم د یاد پوهنځي رئیس پوهنمل ګل حبیب حنفي فارغو محصلینو ته مبارکې وویله او له دوي څخه یې غوښتنه وکړه چې په دغو زده کړو بسنه ونه کړي او د لا پرمختګ لپاره دي خپلي زده کړي د ماستري او دوکتورا تر کچي پوري ورسوي او همدارنګه په خپلو وظایفو کې دي نظام او هیواد ته ژمن پاتي شي او خپلي چاري دي د پوره اخلاص او ایماندارۍ له مخي ترسره کړي او دغو محصلینو ته یې په هره برخه کې د پوره همکارۍ ډاډ ورکړ او له استادانو یې مننه وکړه چې په اسلامي او ښه روحیه سمبال محصلین یې روزلي او نن ورځ یې ټولني ته د خدمت په موخه وړاندي کوي وروسته د دغه پوهنځي محصلینو د فایلیک (مونوګراف) دفاع ګاني په ترتیب سره پیل او هر محصل له خپلي موضوع څخه دفاع وکړه.
د نشراتو او عامه اړیکو عمومي مدیریت
