پوهنتون کې استادانو ته د امر بالمعروف او نهی عن المنکر قانون د تدریس لړۍ پای ته ورسېده.
غزني پوهنتون کې د استادانو لپاره د امر بالمعروف او نهی عن المنکر قانون د تدریس او پوهاوي ځانګړې لړۍ په بریالیتوب سره پای ته ورسېده. دغه روزنیز پروګرام د پوهنتون د عمومي رئیس شیخ مولوي عبدالمالک محسن له لوري د استادانو د اصلاحي او فکري پوهاوي د لوړولو په موخه ترسره شوی و.
چې پر مهال یې د قانون مهمې مادې، د ټولنیز اصلاح ارزښتونه، د اسلامي اخلاقو ترویج، او د لمانځه په اړه د عالیقدر امیرالمؤمنین حفظه الله تعالی توصیې تر بحث او تدریس لاندې ونیول شول. ګډونوالو استادانو د یاد پروګرام د ګټورتیا ستاینه وکړه او ویې ویل چې دا ډول علمي او فکري پروګرامونه د پوهنتونونو په علمي او اخلاقي فضا کې مثبت رول لري.
باید وویل شي چې د یاد قانون د تدریس ترڅنګ د عمومي رئیس له لوري د اوونۍ په معلومو ورځو کې د قرآن کریم ترجمه د پوهنتون ټولو مسؤلینو، استادانو، کارکوونکو او محصلینو ته ترسره کیږي.
د نشراتو او عامه اړیکو عمومي مدیریت
چهارشنبه
۱۴۴۷/۱۲/۲۴هـ.ش
۱۴۰۵/۰۳/۲۰هـ.ش
۲۰۲۶/۰۶/۱۰م
