غزني پوهنتون کې د کمپیوټر ساینس پوهنځي د محصلینو علمي ظرفیت لوړولو په موخه د پروپوزل لیکلو تر عنوان لاندې سمینار وړاندې شو.
ورځ: چهار شنبه
۲۸ ذالحجه ۱۴۴۶ هـ.ق
۴ سرطان ۱۴۰۴ هـ.ش
۲۵ جون ۲۰۲۵ م
د علمي څېړنو ارزښت ته په کتو نن ورځ په غزني پوهنتون کې د کمپیوټر ساینس پوهنځي ۴۳ تنه محصلینو ته د علمي ظرفیت لوړولو په موخه د "پروپوزل لیکنې" تر عنوان لاندې چې موخه یې د محصلینو د څېړنیزو پروپوزلونو لیکلو اصولو، جوړښت او علمي معیارونو سره بلدتیا وه تر سره شو.
دغه سمینار د څېړنو او علمي مجلې معاونیت د ټولنیزو علومو کارپوه محمد کامل احمدي لخوا وړاندې شو. نوموړي د پروپوزل لیکلو د بېلابېلو مرحلو، علمي منابعو کارونې، او د څېړنیزې پوښتنې جوړونې په هکله تفصیلي وضاحت ورکړ. او دارنګه يې د پروپوزل پېژندنه او اهمیت، د څېړنیزې موضوع انتخاب، د پروپوزل جوړښت (سرلیک، شالید، ستونزه، موخې، پوښتنې، میتودولوژي، منابع) او د علمي منابعو موندنه او حواله ورکول، د اخلاقي معیارونو مراعت، د پروپوزل وړاندې کولو طریقه په بشپړه توګه روښانه کړه.
باید وویل شي چې د پروپوزل لیکنې سمینار یو اغېزناک علمي پروګرام و، چې د محصلینو د څېړنیزو مهارتونو د لوړولو په برخه کې مهم ګام بلل کېږي. تمه ده چې دغه ډول پروګرامونه به د محصلینو د علمي لاسته راوړنو لپاره بنسټیز رول ولوبوي.
د نشراتو او عامه اړیکو عمومي مدیریت
