غزني پوهنتون کې د اداري چارو د چټکتیا او ورسپارل شوو مسؤلیتونو د ښه ترسراوي په موخه اداري ناسته ترسره شوه.
غزني پوهنتون کې د مالي او اداري چارو د مرستیال شیخ الحدیث مولوي عبدالهادي ذولهادي په مشرۍ له اداري کارکوونکو سره د اداري چارو د چټکتیا، همغږۍ او د ورسپارل شوو مسؤلیتونو د اغېزمن ترسره کېدو په موخه د همغږۍ ناسته ترسره شوه.
ښاغلي ذوالهادي د ناستې په ترڅ کې وویل چې مسؤلیتونه یو امانت دي، او باید هر څوک دا امانت په پوره اخلاص، صداقت او ژمنتیا ترسره کړي.
او زیاته یې کړه چې باید ټول کارکوونکي د خپلو مسؤلیتونو په پېژندنه، د ټولو کارونو په ترسره کولو کې د وخت مراعت، د شفافیت اصل، او د ځواب ویلو فرهنګ ته باید جدي پاملرنه وکړي، او خپلې اړوندي اداري چارې له وخت سره سمې ترسره کړي.
او ټولو کارکوونکو ته یې د هر راز همکارۍ او په چارو کې د لا سمون او سرعت په موخه د اړینو اسانتیاوو برابرولو ډاډ ورکړ.
د نشراتو او عامه اړیکو عمومي مدیریت
شنبه، ١٨، ربیع الثاني،۱۴۴۷هـ.ق — ١٩، مېزان، ۱۴۰۴ هـ.ش
