غزني پوهنتون عمومي رئیس له استادانو سره د هغوی د غوښتنو او ستونزو د اورېدو او د علمي بهیر د پیاوړتیا په موخه ناسته ترسره کړه.
د غزني پوهنتون عمومي رئیس شیخ مولوي عبدالمالک محسن د دغه پوهنتون له استادانو سره د هغوی د غوښتنو او ستونزو د اورېدو او د دندو د لا ښه پرمخ بېولو په موخه ځانګړې ناسته ترسره کړه.
په ناسته کې د ټولو پوهنځیو د استادانو په نمایندګي دوه دوه تنه استادانو ګډون درلود.
چې پیل یې د قرآن کریم د مبارکو آیتونو په تلاوت سره وشو.
وروسته شیخ صاحب په خپلو خبرو کې د استادانو د مقام او رول په اړه خبرې وکړې او یې ویل، چې استادان د هېواد د پوهنې، تحصیلي او ټولنیز پرمختګ بنسټیز برخه ده. هغه ټینګار وکړ چې هر استاد باید خپل مسؤلیت په بشپړ صداقت، ژمنتیا او مسلکي توب سره ترسره کړي.
نوموړي ډاډ ورکړ چې د استادانو ستونزې به پر وخت و ارزول شي او اړینې اسانتیاوې به ورته برابري کړي.
استادانو د رئیس صاحب له ملاتړ څخه مننه وکړه او په اړونده برخه کې یې خپلي ستونزي او غوښتنې ورسره شریکي کړې.
د نشراتو او عامه اړیکو عمومي مدیریت
سه شنبه ، ١١ جمادی الثاني ۱۴۴۷ هـ.ق— ١١ قوس۱۴۰۴ه ش
