د غزني پوهنتون د زراعت پوهنځي د دوو آمریتونو لپاره ( د حیواني علومو او هارتیکلچر څانګو) دوه تنه آمرین معرفي او په دندو پیل وکړ.
یکشنبه: ۱۲/ربیع الاول/۱۴۴۶ه.ق
۲۵/سنبله/۱۴۰۳ه.ش
۱۵/سیپټمبر/۲۰۲۴م
د غزني پوهنتون زراعت پوهنځي د خپلو چارو د لا ښه سمون او په چارو کې د خنډ او ځنډ د مخنیوي په موخه د حیواني علومو څانګي د آمریت لپاره ښاغلی پوهنمل روح الله کمال او د هارتکلچر څانګي آمریت لپاره ښاغلی پوهنمل عبدالواسع تاج زاده د پوهنتون د محصلانو چارو مرستیال انجنیر محمد عثمان منیب، او د زراعت پوهنځی رئیس ښاغلی پوهنوال حبیب الله همایون او د ياد پوهنځي څو تنو استادانو له لوري نن ورځ رسماً معرفي او په دندو پیل وکړ، د یادو دوو تنو آمرینو د معرفت پر مهال دزراعت پوهنځي رئیس ښاغلي همایون دغو آمرینو ته د مبارکي ترڅنګ په خپلو چارو کې له الله ج نه بریا وغوښته او ویې ویل چې تاسو ته خدایې مسؤلیت در له غاړي شو نو اوس باید خپلو کارونو ته لاښه متوجه او دغه درسپارل شوي چاري د کلک هوډ او قوي ارادې له مخي سرته ورسوئ او د پوهنتون او یاد پوهنځی د چارو د ترقي او د کارونو د پرمختګ لپاره کار وکړي.
د نشراتو او عامه اړیکو عمومي مدیریت
