د غزني پوهنتون استادانو ته په دغه پوهنتون کې د کلیوالي سیمو پرمختګ تر سرلیک لاندي جوړیدونکي ملي کنفرانس اړوند یو ورځنی معلوماتي سیمینار وړاندې شو.
۱۴۴۶هـ ق د رجب المرجب ۲۸مه
۱۴۰۳هـ ش د سلواغې ۱۰ مه
۲۰۲۵م د جنورۍ ۲۹ مه
نن ورځ د غزني پوهنتون د څېړنو او علمي مجلې معاونیت له لوري استادانو ته په دغه پوهنتون کې د کلیوالي سیمو پرمختګ تر سرلیک لاندې جوړیدونکي ملي کنفرانس اړوند یو ورځنی معلوماتي سیمینار وړاندې شو.
د سیمینار د پیل پرمهال د علمي چارو مرستیال مولوي محمد حیدر حمزه د سیمینار ګډونوالو ته د ښه راغلاست او هرکلي ترڅنګ د سیمینار د اهمیت او ارزښت اړوند هر اړخیزي خبري وکړې، او له استادانو سره یې د علمي چارو او جوړېدونکو سیمینارونو په برخه کې د هر ډول علمي همکاریو ډاډ څرګند کړ.
وروسته د څېړنو د آمر پوهنیار میرویس منصور کاکړ له لورې د کلیوالي سیمو پرمختګ جوړېدونکي ملي کنفرانس اړوند عمومي معلوماتو ارأیه، د مختلفو پوهنځیو لپاره د مقالو لیکلو اړوند موضوعاتو تشریح او د یاد کنفرانس د ښه تنظیم او ترسراوي لپاره د کمېټو معرفې په اړه هر اړخیز علمي معلومات وړاندې کړل.
همدارنګه د مجلې عمومي مدیر محمد الماس تکل د کنفرانس اړوند د رالیږل شوو مقالو، اړوند معلومات له ګډونوالو سره شریک کړل. او په اخیر کې د مجلې د آمر پوهندوی سید رحیم غفاري، له لورې د کلیوالي سیمو پرمختګ ملي کنفرانس لپاره د مقاله، لیکلو لارښوود، د مقالو په جوړښت، د مقالو چوکاټ او ترتیب او نورو اړوندو موضوعاتو په باره کې علمي معلومات وړاندې کړل.
د نشراتو او عامه اړیکو عمومي مدیریت
