غزني پوهنتون کې د دعوت او ارشاد کمېټې خپله نوبتي ناسته د عالیقدر امیرالمؤمنین حفظه الله تعالی ورعاه د فرمانونو د ښه او اغېزمن تطبیق په موخه ترسره کړه.
غزني پوهنتون کې د دعوت او ارشاد کمېټې خپله نوبتي ناسته د عالیقدر امیرالمؤمنین حفظه الله تعالی ورعاه د فرمانونو د ښه او اغېزمن تطبیق او په راتلونکې کې د محصلینو لپاره د اصلاحي پروګرامونو د عامه پوهاوي سمینارونو د جوړولو په موخه ترسره کړه.
ناسته د قرآن کریم د مبارکو آیتونو په تلاوت پیل شوه.
وروسته د کمېټې مسؤلینو د غونډې د اجنډا موضوعات تشریح کړل. د ناستې اساسي تمرکز د عالیقدر امیرالمؤمنین حفظه الله تعالی د فرمانونو د ښه تطبیق، عامه پوهاوي او د اسلامي اصولو پر بنسټ د پوهنتون د چاپېریال د لا اصلاح په اړه وو.
د دغي ناستې ګډونوالو د عالیقدر امیرالمؤمنین حفظه الله تعالی د فرمانونو د ښه تطبیق په موخه د یادو فرمانونو په بنرونو کې د چاپ او همداراز په راتلونکې کې د محصلینو لپاره د اصلاحي برنامو په ترسره کولو او د پوهنتون د ټولو کارکوونکو په جماعت د لمانځه په پابندي ترڅنګ په یو شمېر نورو مهمو او متفرقه موضوعاتو بحث او لازمې پریکړې وشوې.
ناسته په دعایه سره پای ته ورسېده.
د نشراتو او عامه اړیکو عمومي مدیریت
نېټه: چهارشنبه
۱۴۴۷هـ.ق، د شعبان ۲۳ مه
۱۴۰۴هـ.ش، د دلوې ۲۲ مه
۲۰۲۶م، د فبروري ۱۱ مه
