غزني پوهنتون کې د مالي کمېټې ناسته ترسره شوه او پکې د راتلونکي ۱۴۰۴ هـ.ش کال د مالي پلان اړوند خبري اتري وشوې.
ورځ: چهارشنبه
۵ رمضان المبارک ۱۴۴۶ هـ.ق
۱۵ کب ۱۴۰۳ هـ.ش
۵ مارچ ۲۰۲۵ م
غزني پوهنتون کې د مالي کمېټې نوبتي ناسته تر سره او پکې د راتلونکي ۱۴۰۴ هـ.ش کال د مالي پلان ترڅنګ په یو لړ مهمو موضوعاتو بحث او خبري اتري وشوې. ناسته د د غه پوهنتون د مالي او اداري چارو مرستیال، مولوي محمد جاوید خالد، په مشرۍ ترسره شوه، چې پکې د یادي کمېټې ټولو غړو ګډون درلود.
ناسته د قرآن پاک د مبارکو آیتونو په تلاوت سره پیل شوه. له هغې وروسته، ښاغلي خالد ټولو ګډونوالو ته ښه راغلاست وویلو او ورپسې یې د تېر مالي کال د پلان د ارزونې په ترڅ کې یې د لاسته راوړنو، نیمګړتیاوو او راتلونکو اصلاحاتو یادونه وکړه.
په غونډه کې د راتلونکي کال لپاره د مالي کمېټې د جلسو د ترسره کولو په مهالوېش، د کاري پلان د ترتیب، د بودیجې تنظیم، او اړینو اصلاحاتو په اړه مفصل بحثونه وشول. همدارنګه، د پوهنتون د مالي شفافیت، د لګښتونو د کنټرول، او د اداري اصلاحاتو په اړه هم نظریات تبادله شول.
په پای کې، په ځینو متفرقه موضوعاتو باندې هم بحث وشو، ځینې مهم تصمیمونه ونیول شول، او اړوندو مسئولینو ته لازمې سپارښتنې وشوې.
ناسته د دعا په ویلو سره پای ته ورسېده.
د نشراتو او عامه اړیکو عمومي مدیریت
