غزني پوهنتون کې د علمي څيړنو او مجلې معاونیت ناسته ترسره او د پوهنتون په سطحه د کال د غوره څېړونکو ستاینغونډې ترڅنګ په یولړ نورو موضوعاتو بحث او لازمي پریکړي وشوې.
قمري نېټه: شوال ١١، ۱۴۴۶ هـ.ق
لمريز نېټه: وری ٢١، ۱۴۰۴ هـ.ش
مېلادي نېټه: اپرېل ٩، ۲۰۲۵م
د غزني پوهنتون د علمي څيړنو او مجلې معاونیت د روان ١٤٠٤ه.ش کال لومړۍ ناسته د یاد معاونیت د مرستیال پوهندوی احسان الله کامران په مشرۍ تر سره چې پکي د پوهنتون په سطحه د کال د غوره څېړونکو ستاینغونډې ترڅنګ په یولړ نورو موضوعاتو بحث او په اړوند یې لازمي پریکړي وشوې.
په یاده ناسته کې د علمي څيړنو معاونیت د عملیاتي، کاري او تطبیقي پلانونو ترتیب، د څلورو تنو علمي کادر غړو د پوهندوی او پوهنمل علمي رتبو ته د ترفیع په موخه د پروپوزلونو د ارزونې، د پوهنتون په کچه د کال غوره څيړونکو د ستاینغونډې، د ترفیعي دوسیو د ارزونې د چیکلستونو او یو شمیر نورو متفرقه موضوعاتو د بحث تر څنګ لازمي پریکړي او تصمیمونه ترسره شول.
د نشراتو او عامه اړیکو عمومي مدیریت
