غزني پوهنتون کې د علمي نشراتو مرکزي کمېټې ناسته ترسره او د علمي کادر غړو د ترفیعي دوسیو د ارزونې ترڅنګ په یولړ نورو موضوعاتو بحث او لازمي پریکړي وشوې.
قمري نېټه: محرم الحرام ۱۳، ۱۴۴۶ هـ.ق
لمريز نېټه: سرطان ۱۸، ۱۴۰۴ هـ.ش
مېلادي نېټه: جولای ۹، ۲۰۲۵م
نن ورځ په غزني پوهنتون کې د علمي نشراتو مرکزي کمېټې دریمه نوبتي ناسته د څېړنو او علمي مجلې معاونیت د مرستیال پوهندوی احسان الله کامران په مشرۍ تر سره شوه.
د ناستې پیل د قرآنکریم په مبارکو آیتونو سره وشو.
وروسته د غونډې ګډونوالو د اجندا سره سم د علمي کادر غړو د علمي ترفیعاتو د مقالو تفصیلي ارزول، د هغو کیفیت، محتوایې اصول او د اړینو سمونونو اړتیاوې په ډاګه شوې. دارنګه د ترفیعي دوسیو په اړه بحث وشو، او غوښتنه وشوه چې لازم معیارونه بشپړ او دوسيې جامع شي. او ترڅنګ یو شمیر نور متفرقه موضوعات هم مطرح او په اړوند یې لازمي پریکړي او تصمیمونه ترسره شول.
د نشراتو او عامه اړیکو عمومي مدیریت
