غزني پوهنتون کې د علمي شورا نوبتي ناسته ترسره شوه.
غزني پوهنتون کې د علمي شورا نوبتي ناسته د عمومي رئیس شیخ مولوي عبدالمالک محسن په مشرۍ او د یادې شورا د ټولو غړو په ګډون ترسره شوه.
چې پیل یې د قرآن عظیم الشآن په مبارکو آیتونو سره وشو.
ورپسې عمومي رئیس ټولو ګډونوالو ته د ښه راغلاست ویلو ترڅنګ د ورځنیو چارو په منظم ترسراوي او د نیت اړوند یې خبري وکړې او زیاته یې کړه چې زموږ او ستاسو هر کړنه په نیت پوري اړه لري نو هر کار باید د الله تعالی (ج) د رضأ د حاصلولو په موخه ترسره کړو.
وروسته د تیري علمي شورا پریکړو ته لنډه کتنه وشوه.
او دارنګه د نوي اجنډا مطابق، د کمپیوټر ساینس پوهنځي د ۱۴۰۴هـ ش کال د خزاني سمیستر د راپور وړاندې کولو ترڅنګ د یاد پوهنځي تحصیلي نصاب د شورا د غړو له لوري تائید شو. او همدراز د مالي او اداري چارو معاونیت له لوري د ۱۴۰۵هـ ش کال لپاره د عادي بودیجې فورمونه دغي شورا ته له وړاندې کولو وروسته تائید او د اکاډميکی علمي آزادي د پالیسي تائیدي؛ او دارنګه د څو تنو استادانو د علمي رتبو د ثبیت دوسیو د تائیدي ترڅنګ په یو شمېر مهمو او متفرقه موضوعاتو هم بحث او اړینې پریکړې ترسره شوې.
ناسته په دعایې سره پای ته ورسېده.
نېټه: دوشنبه
۱۴۴۷هـ.ق، د رجب المرجب ۲۹ مه
۱۴۰۴هـ.ش، د جدي ۲۹ مه
۲۰۲۶م، د جنوري ۲۹ مه
د نشراتو او عامه اړیکو عمومي مدیریت
