غزني پوهنتون کې د اداري کارکوونکو د تخنیکي مهارتونو د لوړاوي او د ورد پروګرام له پرمختللو مهارتونو سره د بلدتیا په موخه اووه ورځنی روزنیز سمینار پیل شو.
غزني پوهنتون کې د مالي او اداري چارو معاونیت اړوند د کارکوونکو چارو آمریت د ګمارنې عمومي مدیریت له لوري د اداري کارکوونکو د تخنیکي مهارتونو د لوړاوي په موخه د ورد پروګرام اووه ورځنی روزنیز سمینار پیل شو.
د دغه سمینار موخه د اداري کارکوونکو د مسلکي وړتیاوو لوړول او د عصري اداري سیستمونو سره د هغوی بلدتیا زیاتول دي.
د سیمینار په لړ کې ګډونوالو ته د ورد پروګرام بنسټیز او پرمختللي مهارتونه، د اسنادو ترتیب او تنظیم، راپور جوړونه او د اداري چارو د چټکتیا لپاره د دې پروګرام اغېزمن استعمال ورزده کېږي.
ګډونوالو هم د دې ډول روزنیزو پروګرامونو هرکلی کړی او ټینګار یې کړی چې دا به د دوی په کاري بهیر کې مثبت بدلون رامنځته کړي.
د نشراتو او عامه اړیکو عمومي مدیریت
نېټه: یکشنبه
۱۴۴۷هـ.ق، ذوالقعدة الحرام ٣٠ مه
۱۴۰۵هـ.ش، ثور ٢٧ مه
۲۰۲۶م، مې ١٧ مه
