د غزني پوهنتون د علمي چارو مرستیال د علمي ظرفیت لوړونې او څېړنو په برخه کې د یاد پوهنتون د بېلابېلو پوهنځیو له دوکتور استادانو سره مشورتي ناسته ترسره کړه.

gu_user1
سه‌شنبه ۱۴۰۴/۱/۱۹ - ۱۴:۲۶
nm

قمري نېټه: شوال ١٠، ۱۴۴۶ هـ.ق
لمريز نېټه: وری ٢٠، ۱۴۰۴ هـ.ش
مېلادي نېټه: اپرېل ٨، ۲۰۲۵م

د غزني پوهنتون د علمي چارو مرستیال مولوي محمد حیدر حمزه، د علمي ظرفیت لوړونې، تحقیقاتو او د دغو استادانو د ظرفیت څخه ښه ګټه اخیستنه کې د یاد پوهنتون د بېلابېلو پوهنځیو له دوکتور استادانو سره مشورتي ناسته ترسره کړه.
یاده ناسته د قران کریم د مبارکو آیتونو په تلاوت سره پیل شوه، ورپسې ښاغلي حمزه د ناستې ګډونوالو ته ښه راغلاست ووایه او د ناستې موخې یې واضحې کړې. نوموړي د پوهنتون د علمي پرمختګ، نړیوال اعتبار او د نوو علمي او اکاډمیکو کړنلارو پر اهمیت ټینګار وکړ.
په ناسته کې لاندې مهمې موضوعګانې تر بحث لاندې ونیول شوې.
د علمي معاونیت د چارو د لا اغېزمن مدیریت په موخه له استادانو سره منظمې سلاء مشورې.
د محصلینو د تحصیلي بهیر د لا ښه‌ والي لپاره له هغوی سره په اړوند برخه کې ځانګړې مشورې او لارښوونې.
د محصلینو علمي ظرفیت لوړولو په هدف د علمي سیمینارونو، ورکشاپونو او تخصصي پروګرامونو تنظیم
د پوهنتون لپاره د یو نړیوال علمي ژورنال ترتیب او د هغو لپاره علمي لیکنې چمتو کول.
له نوو او اغېزناکو تدریسي میتودونو څخه د استادانو ګټه‌اخیستنه.
د پوهنتون وېبسایټ د محتوا معیاري کول، علمي رتبې، څېړنیزې لاسته راوړنې، او علمي مقالو ته ځای ورکول.
برسېره پر دې، د ناستې ګډونوالو خپل نظریات او وړاندیزونه هم شریک کړل، څو د یادو نوښتونو د عملي کولو لپاره یوه ګډه او همغږې شوې تګلاره رامنځته شي.
په پای کې، علمي معاون د ټولو استادانو له ارزښتناکو نظریاتو مننه وکړه او ژمنه یې وکړه چې د دوی نظریات به د پلي کېدو په بهیر کې په پام کې ونیول شي.

د نشراتو او عامه اړیکو عمومي مدیریت

تازه ترین اخبار

دوشنبه ۱۴۰۴/۵/۲۷ - ۱۵:۵۰
Background image

غزني پوهنتون کې د علمي شورا نوبتي ناسته تر سره او په یو شمېر مهمو موضوعاتو د بحث ترڅنګ لازمي پریکړي ترسره شوې .

قمري نېټه: صفرالمظفر، ۲۴، ۱۴۴۷ هـ.ق
لمريز نېټه: اسد، ۲۷ ، ۱۴۰۴ هـ.ش
مېلادي نېټه: اګست، ۱۸ ، ۲۰۲۵م

غزني پوهنتون کې د علمي شورا نوبتي ناسته د یاد پوهنتون د علمي چارو د مرستیال مولوي محمد. . .

دوشنبه ۱۴۰۴/۵/۲۷ - ۱۴:۴۴
Background image

غزني پوهنتون کې یو شمېر محصلینو ته د اخلاقي ارزښتونو، ټولنیزو نزاکتونو اړوند د عامه پوهاوي په موخه اصلاحي بیان ترسره شو.

قمري نېټه: صفرالمظفر، ۲۴، ۱۴۴۷ هـ.ق
لمريز نېټه: اسد، ۲۷ ، ۱۴۰۴ هـ.ش
مېلادي نېټه: اګست، ۱۸ ، ۲۰۲۵م 

 غزني پوهنتون کې د مالي او اداري چارو د مرستیال پوهندوی مفتي عزت نور له لوري په لیلیه. . .

دوشنبه ۱۴۰۴/۵/۲۷ - ۱۴:۴۲
Background image

غزني پوهنتون کې د داخلي ساحې، سړکونو او لارو د هوارکارۍ او اساسي رغونې رسماً چارې پیل شوې.

قمري نېټه: صفرالمظفر، ۲۴، ۱۴۴۷ هـ.ق
لمريز نېټه: اسد، ۲۷ ، ۱۴۰۴ هـ.ش
مېلادي نېټه: اګست، ۱۸ ، ۲۰۲۵م 

 د غزني پوهنتون د ودې او معیاري کیدو په لړ کې، د یاد پوهنتون د محوطې دننه د سړکونو او. . .

BACK TO NEWS