غزني پوهنتون کې اداري کارکوونکو ته د اصلاحي او عقیدوي درسونو لړۍ پیل شوه.
غزني پوهنتون کې د دعوت او ارشاد آمریت له لوري د اداري کارکوونکو لپاره د اصلاحي او عقیدوي درسونو لړۍ پیل شوې.
د دغو درسونو موخه د اداري کارکوونکو د دیني پوهې پیاوړتیا، اخلاقي ارزښتونو ته وده ورکول او په کاري چاپېریال کې د اسلامي اصولو ترویج دی.
د یادو درسونو د پیل سره سم د دعوت او ارشاد آمریت مسؤلینو وویل چې دا ډول پروګرامونه د ادارې کارکوونکو اصلاح، د کاري نظم د ښه والي او د کارکوونکو ترمنځ د مثبتې فضا د رامنځته کولو لپاره مهم دي.
باید وویل شي چې یاد درسونه به په منظم ډول د هرې اونۍ په درېیو ورځو کې ترسره کېږي.
د نشراتو او عامه اړیکو عمومي مدیریت
نېټه: شنبه
۱۴۴۷هـ.ق، شوال المکرم ١٩ مه
۱۴۰۵هـ.ش، حمل ١٧ مه
۲۰۲۶م، اپریل ٦ مه
