غزني پوهنتون کې د کرنې پوهنځي استادانو د علمي او څېړنیزو ظرفیتونو د پیاوړتیا په موخه د ماخذ لیکنې اړوند علمي سمینار ترسره شو.
غزني پوهنتون کې د کرنې پوهنځي استادانو د علمي او څېړنیزو ظرفیتونو د پیاوړتیا په موخه د ماخذ لیکنې اړوند علمي او معلوماتي سمینار ترسره شو.
په دغه سمینار کې استادانو ته د علمي څېړنو او مقالو په لیکنه کې د معتبره علمي سرچینو د موندلو، د سرچینو د سمې کارونې، په متن کې د ماخذ ورکولو (Citation) او د مراجعو د منظم ترتیب (Reference List) په اړه اړین معلومات او عملي لارښوونې وړاندې شوې.
دغه سمینار د یاد پوهنځي استاد ښاغلي دوکتور محمد آمین عمري له لوري وړاندې شو چې په ترڅ کې یې په ماخذ لیکنه کې د استفاده کیدونکو سافټویرونو لکه (زوټیرو او مینډلي)
او د ماخذ لیکنې مختلف سټیلونه، د اصولو مراعات، د علمي امانتدارۍ ارزښت او په څېړنیزو لیکنو کې د معیاري مراجعو کارول هم تشریح شول. همدارنګه، د ګډونوالو پوښتنو ته د موضوع اړوند لازم وضاحتونه ورکړل شول.
د غزني پوهنتون مسؤلین هڅه کوي چې د ورته علمي او مسلکي پروګرامونو له لارې د استادانو څېړنیز ظرفیت لوړ او د علمي لیکنو کیفیت لا پیاوړی کړي.
د نشراتو او عامه اړیکو عمومي مدیریت
پنج شنبه
۱۴۴۸/۰۳/۲۰ هـ.ق
۱۴۰۵/۰۶/۱۲ هـ.ش
۲۰۲۶/۰۹/۰۳م
