د غزني پوهنتون د چاپېریال د ښکلا او زرغونتیا په موخه د یو محصل له لوري د ۵۰۰ مېوه لرونکو نیالګیو مرسته ترسره شوه.
د غزني پوهنتون یو نوښتګر او مسؤل محصل له لوري د پوهنتون د چاپېریال ساتنې، ښکلا او زرغونتیا په موخه د ۵۰۰ مېوه لرونکو نیالګیو مرسته ترسره شوه.
دغه نیالګي چې ټول يې مثمیر او مېوه لرونکي دي د پوهنتون په ټاکل شویو ځایونو کې کېنول شول، څو د چاپېریال په ښکلا او سرسبزي کې مرسته وکړي.
په ورته مهال د یاد پوهنتون د مالي او اداري چارو مرستیال الحاج شیخ عبدالهادي ذوالهادي د دغه محصل دا نوښت وستایه او ویې ویل چې دا ډول اقدامات نه یوازې د چاپېریال ساتنې فرهنګ پیاوړی کوي، بلکې نور محصلین هم هڅوي چې د ټولنې او چاپېریال په ښه والي کې فعاله ونډه واخلي. او زیاته یې کړه چې پوهنتون د دغو نیالګیو د ساتنې او پالنې لپاره لازم تدابیر نیولې؛ او همداراز یې یاد محصل د ښه تشویق او قدرداني په موخه په ښه ډول تقدیر او وستایل.
د یادونې وړ ده چې د نیالګیو کېنول د اقلیم بدلون پر وړاندې یو اغېزناک اقدام بلل کېږي، او دا ډول هڅې کولی شي د سالم چاپېریال په رامنځته کولو کې مهم رول ولوبوي.
د نشراتو او عامه اړیکو عمومي مدیریت
نېټه: يکشنبه
۱۴۴۷هـ.ق، شوال المکرم ٢٥ مه
۱۴۰۵هـ.ش، حمل ٢٣ مه
۲۰۲۶م، اپریل١٢مه
