غزني پوهنتون ته د ۱۴۰۵ هـ.ش کال د عمومي کانکور ازموینې له لارې د بریالیو محصلینو د نوملیکنې بهیر په منظم، شفاف او د ترتیب شوي مهالوېش له مخي ترسره شو.
غزني پوهنتون ته د ۱۴۰۵ هـ.ش کال د عمومي کانکور ازموینې له لارې د بریالیو شویو محصلینو د نوملیکنې بهیر د لوړو زده کړو وزارت د لارښوونو او ټاکل شوي مهالویش سره سم، په منظم، شفاف او اغېزمن ډول ترسره شو.
د نوملیکنې په بهیر کې د محصلانو معاونیت مسؤلینو او اړوندو اداري کارکوونکو د نوو محصلینو د اسنادو د ارزونې، ثبت او راجستر ټولې چارې په ټاکلي وخت او بشپړ نظم سره ترسره کړې. همدارنګه نوو محصلینو ته د نوملیکنې اړوند لازمې لارښوونې او اسانتیاوې برابرې شوې وې، ترڅو هغوی وکولای شي خپلې چارې په اسانۍ او ډاډمن ډول ترسره کړي.
په ورته مهال د محصلانو مرستیال د ټولو هغو محصلینو هرکلی وکړ چې د عمومي کانکور له لارې یې دې علمي بنسټ ته لاره موندلې ده، او هغوی یې د علم، څېړنې، نوښت او اسلامي او ملي ارزښتونو پر بنسټ د لوړو زده کړو ترلاسه کولو ته وهڅول.
د یادونې وړ ده، چې د نوملیکنې بهیر د ټاکل شوي مهالوېش له مخې، له هر ډول ځنډ او ستونزې پرته په بریالیتوب سره پای ته ورسېد او نوو محصلینو ته د نوي تحصیلي پړاو د پیل زمینه برابره شوه.
د نشراتو او عامه اړیکو عمومي مدیریت
دوشنبه
۱۴۴۸/۰۲/۱۲ هـ.ق
۱۴۰۵/۰۵/۰۵ هـ.ش
۲۰۲۶/۰۷/۲۷
