غزني پوهنتون کې د کارونو د لا ښه والي او پرمختګ په موخه اداري ناسته ترسره شوه.
غزني پوهنتون کې د مالې او اداري چارو د مرستیال الحاج شیخ عبدالهادي ذوالهادي په مشرۍ؛ د ادارې د لا پیاوړتیا، د چارو د منسجم کولو او د خدماتو د کیفیت د لوړولو په هدف اداري ناسته ترسره شوه. په دغه ناسته کې د یاد معاونیت اړوند ټولو آمرینو او مدیرانو شتون درلود.
چې پیل یې د قرآن کریم په مبارکو آیتونو سره وشو.
وروسته شیخ صاحب د دندې او مسؤلیت اړوند خبري وکړې، او دارنګه یې د بیت المال په ساتنه، او د نقصاناتو په له منځه وړلو یې ټینګار وکړ او همدار راز یې د پوهنتون د وروستیو فعالیتونو، ستونزو او راتلونکو پلانونو په اړه بشپړ معلومات شریک کړل او زیاته یې کړه چې د غزني پوهنتون اداره د کیفیتي بدلون او دوامداره پرمختګ لپاره جدي اراده لري.
په ننۍ ناسته کې هر کارکوونکي ته په خپله برخه کې دنده ورکړل شوه څو یې په روانې اونۍ کې ترسره او کاري راپور یې له دغه معاونیت سره شریک کړي.
په پای کې شیخ صاحب یادونه وکړه چې د ادارې د اصلاح او پرمختګ لپاره به عملي ګامونه اخیستل کېږي، څو غزني پوهنتون د هېواد په کچه د یو معیاري او مخکښ علمي مرکز په توګه خپل ځای لا پیاوړی کړي.
د نشراتو او عامه اړیکو عمومي مدیریت
سه شنبه ، ۲۷ جمادی الاول ۱۴۴۷ هـ.ق— ۲۷ عقرب ۱۴۰۴ هـ.ش
