د غزني پوهنتون محصلینو ته، د ازمویني څخه د وېري او اضطراب د کنټرول تر سرلیک لاندې، یو ورځنی علمي او معلوماتي سیمینار وړاندي شو.
ورځ: دوشنبه
هجري قمري: ٣٠/جمادی الاول/١۴۴٦
هجري شمسي: ١٢/قوس/۱۴۰۳
میلادي: ٢/دیسمبر/۲۰۲۴
د غزني پوهنتون د محصلانو چارو معاونیت له لوري، د یاد پوهنتون محصلانو ته د ازمویني څخه د وېري او اضطراب د کنټرول تر عنوان لاندې، یو ورځنی علمي او معلوماتي سیمینار وړاندي شو.
دغه سیمینار چې د پوهنتون د غونډو په تالار کې دائر شوي وو. پکي د محصلانو چارو مرستیال انجنیر محمد عثمان منیب، د ژبو او ادبیاتو پوهنځي د پښتو څانګي استاد پوهنمل مصطفی صفا او محصلینو شتون درلود.
پیل یې د قرآن عظیم الشآن په مبارکو آیاتونو سره وشو.
ورپسې د محصلانو چارو مرستیال ښاغلي منیب، غونډي ته د وینا پرمهال د دغسي سیمینارونو په جوړېدو خوښي وښووده، او د سیمینار په ارزښت او اهمیت یې خبري وکړې، همدارنګه یې محصلینو ته د اضافي مطالعې، د مهارتونو په زده کړه لازمي سپارښتني وکړې او له محصلینو څخه یې غوښتنه وکړه؛ چې په دغسي علمي او معلوماتي سیمینارونو کې برخه واخلي.
وروسته د ښاغلي استاد صفا له لوري محصلینو ته د اضطراب یا ويري پر پېژندنه، د اضطراب پر حالتونو، د اضطراب جسمي اغیزې، د اضطراب او خواشینۍ ترمنځ په توپیر، د غم او خواشینۍ یا افسرده ګي احساس، سالم اضطراب، ازموینه او اضطراب، د ازمویني د اضطراب سالم کنټرول او هغه محصلان چې د ازمویني پرمهال له اضطراب سره لږ مخ کیږي او د اغېزناکي مطالعې او ډاډمن اخځ یا اخیستني په باره کې هر اړخیز معلومات وړاندي شول.
د نشراتو او عامه اړیکو عمومي مدیریت
