د غزني پوهنتون رهبري شورا ناسته ترسره او د پسرلني سیمیستر د درسونو د پیل سربېره په یو شمېر نورو مهمو موضوعاتو باندې د بحث ترڅنګ لازمي پریکړي وشوې.
ورځ او نېټې: پنج شنبه
د ۱۴۴۶ هجري قمري کال د شعبان ۲۸مه
د ۱۴۰۳ هجري شمسي کال حوت ۹ مه
د ۲۰۲۵ میلادي کال د فبروري ۲۷ مه
نن ورځ د غزني پوهنتون رهبري شورا ناسته د دغه پوهنتون د عمومي رئیس الحاج مولوي عبدالواسع منصور په مشرۍ ترسره او د پسرلني سیمیستر د درسونو د پیل سربېره، د کتابتون د لابراتوار او کمپیوتر لیب د تجهیزاتو د برابرولو ترڅنګ په یو لړ نورو مهمو موضوعاتو باندې د بحث ترڅنګ لازمي پریکړي وشوې.
د ناستي پیل د کلام الله په مبارکو آیاتونو سره وشو.
ورپسې عمومي رئیس ښاغلي منصور د شورا غړو ته د ښه راغلاست او هرکلي ترڅنګ، د تیري رهبري شورا اړوند پریکړو ته لنډه کتنه وکړه.
دارنګه یې د نوي اجنډا سره سم د کارکوونکو لپاره د اضافه کاري د وخت په تعین، د پسرلني سیمیستر د درسونو د پیل او د محصلانو د حاضري او د محصلانو لپاره د لیلیې پروخت اماده کولو، او د روژې په مبارکه میاشت کې د قرآنکریم د ترجمې د وخت په تعین، د کتابتون لابراتوار او کمپیوتر لیب لپاره د بعضي تجهیزاتو په اماده کولو، او د کرنې پوهنځي د استادانو او محصلینو د څېړنو لپاره د ځمکي برابرولو او د استادانو لپاره د مسلکي انکشاف د مرکز په بیرته فعالولو او د برق بیل د کنټرول او د اضافي مصارفو د مخنیوي تر څنګ یې په یو شمیر متفرقه او مهمو موضوعاتو د بحث او خبرو اترو ترڅنګ، لازمي پریکړي وشوې.
او ناسته د دعایې په ویلو پای ته ورسېده.
د نشراتو او عامه اړیکو عمومي مدیریت
