د غزني پوهنتون کې د محصلینو د عامه پوهاوي کچې لوړولو په موخه د مخدره(نشه يي توکو) د زيانونو اړوند معلوماتي سمینار وړاندې شو.
ورځ: چهار شنبه
۲۸ ذالحجه ۱۴۴۶ هـ.ق
۴ سرطان ۱۴۰۴ هـ.ش
۲۵ جون ۲۰۲۵ م
نن ورځ په غزني پوهنتون کې د چاپیریال ساتنې او نشه يي توکو په وړاندې د مبارزې کمېټې په نوښت د مخدره(نشه يي توکو) د زيانونو اړوند سمینار وړاندې شو.
دغه سمینار د یاد پوهنتون د دعوت او ارشاد آمر مولوي نقيب احمد منذر او د کرنې پوهنځي استاد پوهندوی احسان الله کامران له لوري وړاندې شو، چې پکې محصلینو ته د مخدره توکو د دنیوي، اخروي، فردي او روغتيايي تاوانونو اړوند هر اړخیز معلومات وړاندې شول، او همدا راز یې محصلین د نشهيي توکو له ناوړه اغېزو، ټولنیزو، اقتصادي او رواني زیانونو څخه خبر کړل، او له محصلینو څخه یې غوښتنه وکړه تر څو په ټولنه کې د مخدره موادو پر ضد د مبارزې روحیه پیاوړې کړي او د ټولنې او نورو وګړو په اصلاح کې هم رغنده برخه واخلي.
د نشراتو او عامه اړیکو عمومي مدیریت
