غزني پوهنتون کې د شپږګونو پوهنځیو ۲۱ تنه ممتاز محصلین د یوې شانداره غونډي په ترڅ کې د تقدیر نامو او ځانګړو ډالیو په ورکړي سره وستایل شول.

قمري نېټه: ذالحجه ۲۲، ۱۴۴۶ هـ.ق
لمریزه نېټه: جوزا ۲۸، ۱۴۰۴ هـ.ش
میلادي نېټه: جون ۱۸، ۲۰۲۵م

نن ورځ په غزني پوهنتون کې د محصلانو چارو معاونیت لوري د شپږګونو پوهنځیو ۲۱ تنه ممتاز او د پوهنځیو په سطحه د لوړي فېصدي لرونکې محصلین د یوې شانداره غونډې په ترڅ کې د تقدیر نامو  او ځانګړو ډالیو په ورکړي سره وستایل شول.
په همدې پار جوړي شوي غونډه کې د دغه پوهنتون د رهبري غړو، د پوهنځیو رئیسانو، استادانو، اداري کارکوونکو او محصلینو شتون درلود؛ چې پیل یې د قرآن کریم په مبارکو آیاتونو سره شو.
ورپسې د علمي چارو مرستیال مولوي محمد حیدر حمزه د غونډې د پیل د وینا پرمهال ممتازو محصلینو ته د مبارکي ترڅنګ له دغو محصلینو ځانګړي مننه وکړه چې د بې ځایه وخت تېرولو پر ځای یې خپل وخت درسونو ته ورکړي او په خپلو درسونو کې شپه،  ورځ هڅي کوي. او همدا راز یې غوښتنه یې ورڅخه وکړه چې لا نوري هڅي ګړندۍ او خپل ځانونه په دیني او عصري علومو سمبال کړي. تر څو د خپل دین او مظلوم ملت ریښتیني خادمان وګرځي.
وروسته د مسؤلینو له لوري ممتازو او د لوړي فېصدي لرونکو محصلینو ته تقدیر نامې او ترتیب شوي ډالۍ ووېشل شوې او ننۍ ناسته په دعایې ویلو سره پای ته ورسېده.

د نشراتو او عامه اړیکو عمومي مدیریت