د غزني پوهنتون په لیلیه کې د مېشت محصلینو ستونزو او د هغوی د غوښتنو د اوریدو په موخه له لیلیې څخه لیدنه ترسره شوه.
د غزني پوهنتون په لیلیه کې د مېشت محصلینو د ستونزو له نیږدې ارزونې، د هغوی د غوښتنو د اورېدو او د اوسېدنیزو چارو د ښه والي په موخه د محصلانو چارو مرستیال مفتي عزت الله نوري له لیلیې څخه لیدنه ترسره کړه.
د یادې لیدنې پر مهال په لیلیه کې له اوسېدونکو محصلینو سره مخامخ خبرې وشوې او هغوی خپلې ستونزې، اړتیاوې او وړاندیزونه له مفتي صاحب سره شریک کړل.
همداراز د محصلانو چارو مرستیال د محصلینو د ستونزو او غوښتنو له اورېدو وروسته ډاډ څرګند کړ چې د امکاناتو په چوکاټ کې به د لیلیې د خدمتونو د کیفیت د لوړولو لپاره عملي ګامونه واخیستل شي. او د ارنګه یې محصلینو ته د عالیقدر امیرالمؤمنین حفظه الله تعالی د پنځو فرامینو د جریدې په اړه عامه پوهاوی ورکړ او هغوی یې وهڅول چې د پوهنتون په سطحه د دغي جریدي په ترسره کېدونکي سیالۍ کې په پراخه کچه ګډون ترسره کړي.
هېره دي نه وي چې د غزني د پوهنتون اداره د محصلینو د هوساینې، د هغوی د ستونزو د حل او د زدهکړو لپاره د مناسب چاپېریال رامنځته کول خپل مهم مسؤلیت ګڼي او په همدې موخه به ورته لیدنې او مشورتي ناستې دوام ولري.
د نشراتو او عامه اړیکو عمومي مدیریت
پنج شنبه
۱۴۴۷/۱۲/۲۵هـ.ق
۱۴۰۵/۰۳/۲۱هـ.ش
۲۰۲۶/۰۶/۱۱م
