د غزني پوهنتون د شرعیاتو پوهنځي (۲۳)تنه محصلینو د عملي زده کړو په موخه د دغه ولایت اطلاعاتو او کلتور ریاست او تاریخي ځایونو ته علمي سیر ترسره کړ.
د غزني پوهنتون د محصلانو چارو معاونیت له لوري د پلان شوي علمي سیر په ترڅ کې د شرعیاتو پوهنځي (۲۳)تنه محصلینو د عملي زده کړو په موخه د دغه ولایت د اطلاعات او کلتور یاست او یو شمیر تاریخي ځایونو ته علمي سیر ترسره کړ.
د یاد علمي سیر په ترڅ کې محصلینو د اطلاعاتو او کلتور ریاست اړوند له تاریخي موزیم، کتابتون، ارشیف او بېلابېلو زیارتونو او تاریخي ځایونو څخه لیدنه او په اړه یې معلومات ترلاسه کړل.
د یاد علمي سیر په ترڅ کې له زیارتونو څخه د لیدنې پرمهال د شرعیاتو پوهنځي استاد مفتي مولاداد مفلح محصلینو ته د سلطان محمود غزنوي د زیارت او هغه د ژوند او تاریخي کارنامو په اړه مکمل معلومات وړاندې کړل.
محصلینو د یاد علمي سیر څخه خوښي څرګنده کړه او ویې ویل چې دغسي علمي سفرونه د دوی علمي زده کړې لا پیاوړي کوي
د نشراتو او عامه اړیکو عمومي مدیریت
نېټه: پنج شنبه
۱۴۴۷هـ.ق، شوال المکرم ۲۹ مه
۱۴۰۵هـ.ش، حمل ۲۷ مه
۲۰۲۶م، اپریل ۱۶ مه
