غزني پوهنتون کې د علمي چارو د مرستیال له لوري د پوهنځيو له رئیسانو سره د فرامینو او د لوړو زده کړو وزارت د پریکړو پر اغېزمن تطبیق او د زده کړه ییز نصاب د پراختیا په موخه د هغمږۍ ناسته ترسره شوه.
غزني پوهنتون کې د علمي چارو د مرستیال مولوي محمد حیدر حمزه په مشرۍ د پوهنځیو له رئیسانو او تدریسي مدیرانو سره د عالیقدر آمیرالمؤمنین حفظه الله تعالی ورعاه د فرامینو او د لوړو زده کړو وزارت څخه د راغلو پریکړو پر اغېزمن تطبیق او همدارنګه د زده کړهییز نصاب پر پراختیا او پیاوړتیا او د ۱۴۰۵ کال لپاره د پوهنځیو د بهبود پلانونو د ترتیب په موخه د همغږۍ ناسته ترسره شوه.
یاده ناسته د ښاغلي حمزه له لوري پرانیستل شوه، چې په خپله وینا کې یې د عالیقدر آمیرالمؤمنین حفظه الله تعالی ورعاه د ټولو فرامینو او دارنګه د لوړو زده کړو وزارت د پریکړو د دقیق، پر وخت او معیاري تطبیق پر اهمیت ټینګار وکړ او ویې ویل، چې د پوهنځیو رئیسان دي د علمي نظام د سمون، د تدریس د کیفیت د لوړولو او د نصاب د عصري کېدو په برخه کې دي لا هڅې ګړندۍ کړي تر څو د ټولنې اړتیاوو ته په کتو پرمختللی زده کړه ییز نصاب ترتیب او برابر کړي.
او همدار راز یې د کلینو کاري راپورونو د پر وخت لیږلو او د ۱۴۰۵هـ ش کال لپاره د پوهنځیو د ودې او پرمختګ لپاره د بهبود پلانونو په اماده کولو یې ټینګار وکړ.
د نشراتو او عامه اړیکو عمومي مدیریت
چهارشنبه ، ۱۷ رجب المرجب ۱۴۴۷ هـ.ق— ۱۷ جدې۱۴۰۴هـ ش
