غزني پوهنتون کې له اداري او خدماتي کارکوونکو څخه ( په اسلامي شریعت کې معاملات) تدریسي مضمون د لومړۍ برخې ازموینه ترسره شوه.
غزني پوهنتون کې له اداري او خدماتي کارکوونکو څخه د دعوت او ارشاد آمریت له لوري په اسلامي شریعت کې د معاملات تدریسي مضمون د لومړۍ برخې ازموینه په بریالیتوب سره ترسره شوه.
دغه تدریسي نصاب چې د دعوت او ارشاد آمریت د مبلیغ مولوي میرزا محمد مطمئین له لوري اداري او خدماتي کارکوونکو ته د اونۍ په معلومو ورځو کې تدریس کېده د لومړۍ ربعي او د یاد کتاب د لومړۍ برخې له ختم سره سم یې نن ورځ عمومي ازموینه واخیستل شوه.
په دغه ازموینه کې یو شمېر اداري او خدماتي کارکوونکو ګډون کړی وو چې بهیر یې په منظم ډول او د ټاکل شويو اصولو سره سم ترسره شو. د ازموینې له بهیر څخه د دعوت او ارشاد آمریت مسوولینو له نږدې څارنه وکړه او د شفافیت، نظم او انضباط بشپړ خیال وساتل شو.
د یادونې وړ ده، چې غزني پوهنتون د علمي او مسلکي ظرفیت لوړولو په موخه ورته پروګرامونه په دوامداره توګه عملي کوي، څو یو سالم، باوري او د اسلامي اصولو پر بنسټ اداري سیستم رامنځته شي.
د نشراتو او عامه اړیکو عمومي مدیریت
سه شنبه ، ۱۶ رجب المرجب ۱۴۴۷ هـ.ق— ۱۶ جدې۱۴۰۴هـ ش
