غزني پوهنتون کې اداری کارکوونکو ته د ادارې او مدیریت اړوند درې ورځنی ښوونیز سمینار پای ته ورسېدل.
قمري نېټه: ربیع الاول ،۲، ۱۴۴۷ هـ.ق
لمريز نېټه: سنبله، ۴ ، ۱۴۰۴ هـ.ش
مېلادي نېټه: اګست، ۲۶ ، ۲۰۲۵م
غزني پوهنتون کې د کارکوونکو د ګمارنې او ظرفیت لوړونې مدیریت له لوري اداری کارکوونکو ته د ادارې او مدیریت اړوند په لاره اچول شوی درې ورځنی ښوونیز او معلوماتي سمینار پای ته ورسېدل.
یاد سمینار د غزني پوهنتون د اداري کارکوونکو د مسلکي وړتیاوو د لوړولو، د نوو اداري تګلارو د پېژندنې او د مؤثر مدیریت د اصلونو د تطبیق په موخه جوړ شوی وو.
د اقتصاد پوهنځي استاد، پوهنمل احسان الله سعید، له لوري وړاندې شو. چې په لړ کې یې د پوهنتون ټولو اداري کارکوونکو ته د ادارې او مدیریت په برخه کې کافي معلومات او نوې تګلاري وړاندې او په دغه برخه کې اغېزمن اصول اور وښوودل شول.
په پای کې د مالي ادارې چارو مرستیال، پوهندوی مفتي عزت نور، هم ګډونوالو ته د وخت ارزښت او اغېزمن مدیریت په اړه خپلې خبرې وکړې. نوموړي وویل چې وخت د انسان د ژوند تر ټولو ستره پانګه ده، او هغه څوک بریالي کېږي چې د وخت په سم مصرف پوه شي او په کارونو له نویو تکنیکونو څخه استفاده وکړي. هغه زیاته کړه چې د وخت د مدیریت زده کړه نه یوازې د فردي ژوند په پرمختګ کې اغېز لري، بلکې د ټولنې د سمون او ودې لپاره هم بنسټیز اهمیت لري.
د نشراتو او عامه اړیکو عمومي مدیریت
