غزني پوهنتون کې د نظم او ډیسپلین کمېټې نوبتې ناسته ترسره شوه.

قمري نېټه: صفرالمظفر، ٣، ۱۴۴۷ هـ.ق
لمريز نېټه: اسد،٦، ۱۴۰۴ هـ.ش
مېلادي نېټه: جولای،٢٨، ۲۰۲۵م 

غزني پوهنتون کې د نظم او ډیسپلین کمېټې ناسته د محصلانو چارو مرستیال مفتي عزت الله نوري په مشرۍ او ټولو غړو په شتون کې ترسره شوه.
د ناستې پیل د قرآن پاک په مبارکو آیتونو سره وشو. 
ورپسې ښاغلي نوري  د نظم او ډسيپلین د کمېټې اهمیت ته اشاره وکړه او ویې ویل:
"د پوهنتون انضباطي اصول باید د ټولو محصلانو له‌خوا مراعت شي، ځکه چې دا نه یوازې د فردي ودې سبب ګرځي، بلکې د ټول پوهنتون د فضا انعکاس هم دی."
وروسته ګډونوالو د ۱۴۰۴ کال دفارغو محصلینو د فراغت غونډې د انظباط او ښه ترسراوي په موخه په یو لړ موضوعاتو باندې تفصیلي بحث وکړ. د غونډې په پای کې یو شمېر متفرقه موضوعات هم وڅېړل شول، چې ګډونوالو خپل نظرونه پکې شریک کړل، او ژمنه یې وکړه چې ټول اړخونه به په همغږۍ سره کار کوي تر څو د فراغت غونډه په منظم او بریالي ډول ترسره شي.

د نشراتو او عامه اړیکو عمومي مدیریت