غزني پوهنتون ته د لغمان پوهنتون استادانو او محصلینو د پیل کړي دری ورځني علمي سفر په ترڅ کې د یاد پوهنتون له بېلابېلو برخو څخه د لیدني ترڅنګ؛ د غزني ولایت د اطلاعاتو کلتور ریاست، تاریخي ځایونو او آبداتو څخه لیدنه وکړه.
نېټې او ورځ: چهارشنبه
هجري قمري: ۹ جمادیالاول ۱۴۴۶
هجري شمسي: ۲۱ قوس ۱۴۰۳
میلادي: ۱۱ دسمبر ۲۰۲۴
غزني پوهنتون ته د لغمان پوهنتون استادانو او محصلینو د پیل کړي درې ورځني علمي سفر په ترڅ کې د یاد پوهنتون له بېلابېلو برخو څخه د لیدني تر څنګ؛ د غزني ولایت د اطلاعات او کلتور ریاست، تاریخي ځایونو او تاریخي آبداتو څخه لیدنه وکړه.
د دغه علمي سفر چې مشري يې، پوهمنل استاد عمران الله خنجر کوله، غزني پوهنتون ته د راتګ پرمهال یې د دغه پوهنتون د عمومي رئیس الحاج مولوی عبدالواسع منصور له لوري ورته د ښه راغلاست او هرکلي ترڅنګ هغوی ته د آرامتیا لپاره ځانګړي ترتیبات نیولي وو.
وروسته د لغمان پوهنتون استادانو او محصلینو د سفر په ترڅ کې د غزني پوهنتون مختلف ځایونه او پوهنځۍله نیږدې وکتلې او ترڅنګ یې د غزني ولایت د اطلاعات او کلتور ریاست له موزیم، مختلفو برخو او د یاد ولایت له تاریخي سیمو او آبداتو د لیدنې په ترڅ کې، د ابوریحان البیروني مقبره، تاریخي زندان، بالاحصار او سلطان محمود غزنوي له تاریخي منارونو څخه هم لیدنه وکړه.
یاد سفر د علمي او تاریخي معلوماتو د ترلاسه کولو لپاره یو مهم ګام ګڼل کېږي او د دواړو پوهنتونونو ترمنځ د اړیکو د لا غښتلتیا لپاره ګټور تمام شو.
د نشراتو او عامه اړیکو عمومي مدیریت
