د غزني پوهنتون د دعوت او ارشاد آمریت له اداري او خدماتي کارکوونکو څخه د عقیدوي درسونو د طهارت برخي اخیستل شوي ازمویني پایلي اعلان او د لوړو نمرو اخیستونکي یې په ډالیو ونازول شول.
یکشنبه: ۱۹/ربیع الاول/۱۴۴۶ه.ق
۱/مېزان/۱۴۰۳ه.ش
۲۲/سیپټمبر/۲۰۲۴م
د غزني پوهنتون د دعوت او ارشاد آمریت له اداري او خدماتي کارکوونکو څخه د عقیدوي درسونو د طهارت برخي اخیستل شوي ازمویني پایلي نن ورځ اعلان او د لوړو نمرو اخیستونکي یې په ډالیو ونازول په همدې مناسبت جوړه شوي غونډه کې د یاد پوهنتون د دعوت او ارشاد آمر مولوي نقیب احمد منذر غونډي ته په وینا کې له اداري او خدماتي کارکوونکو مننه وکړه او د دغو درسونو په اهمیت او د درسونو په پابندي، د امتحان د پروسې په شفافیت او په امتحان کې د ټولو ګډونوالو ستاینه او قدرداني وکړه او زیاته یې کړه چې باید د خپلو نفسونو د اصلاح او کنټرول ترڅنګ د درسونو په زده کړه او عمل کولو باندي خبري وکړې. وروسته د غزني پوهنتون عمومي رئیس الحاج مولوي عبدالواسع منصور د دغو کارکوونکو ستاینه وکړه او خوښي یې څرګنده کړه چې په درسونو کې د فعال ګډون ترڅنګ یې خپل صورت او سیرت هم برابر کړی او غوښتنه یې وکړه چې باید د علومو د زده کړي سره سره خپلو وظیفو ته پابند واوسو او را سپارل شوي مسؤلیتونه په ښه توګه او د ایمانداري له مخي ترسره کړو. په پای کې د امتحان د لوړو نمرو اخیستونکو ته د تقدیر پاڼو ترڅنګ چمتو شوي ډالۍ ووېشل شوې.
د نشراتو او عامه اړیکو عمومي مدیریت
