د غزني پوهنتون او د غزني ولایت د چاپیریال ساتني ریاست ترمنځ د ګډو علمي همکاریو د تړون د لاسلیک په موخه ناسته وشوه.
سه شنبه : ۲۴ / محرم الحرام / ۱۴۴۶ه.ق
د غزني پوهنتون د رهبرۍ د هدایت سره سم د مالي او اداري چارو مرستیال مولوي محمد جاوید خالد او ور سره مل پلاوي، د چاپیریال ساتني ریاست له رئیس مولوي احمدالله عرفان سره د دوه اړخیزو علمي همکاریو د تړون د لاسلیک په موخه ګډه ناسته وکړه، د چاپیریال ساتني ریاست رئیس دغه پلاوي ته د ښه راغلاست او قدرداني ترڅنګ د غزني پوهنتون په دغه کړنه خوښي وښووده او ویې ویل چې د چاپیریال ساتني ریاست چې کوم امکانات په واک کې لري دغو امکاناتو ته په کتو له یاد پوهنتون سره د هر ډول علمي همکاریو لاسلیک کولو ته چمتو دي او زیاته یې کړه چې په نیزدې راتونکي کې به له غزني پوهنتون سره د دواړو لورو استازو په شتون کې د دوه اړخیزو علمي همکاریو تفاهم لیک امضأ کړي.
د نشراتو او عامه اړیکو عمومي مدیریت
