غزني پوهنتون کې مسؤلینو،استادانو او اداري کارکوونکو ته د تضمین کیفیت د یوولس ګونو معیارونو د تشریح په موخه درې ورځنې معلوماتي سمینار دائر شو.
قمري نېټه: صفرالمظفر، ٢٣، ۱۴۴۷ هـ.ق
لمريز نېټه: اسد، ٢٦ ، ۱۴۰۴ هـ.ش
مېلادي نېټه: اګست، ١٧ ، ۲۰۲۵م
غزني پوهنتون کې د تضمین کیفیت آمریت او استادانو د مسلکي انکشاف آمریت په ګډه همکارۍ مسؤلینو، استادانو، د غزني ولایت د خصوصي پوهنتونونو استادانو او اداري کارکوونکو ته د تضمین کیفیت د یوولس ګونو معیارونو د تشریح او پوهاوي په موخه درې ورځنې معلوماتي سمینار پیل شو.
د سمینار پیل د قرآن پاک په مبارکو آیتونو سره وشو.
وروسته د یاد آمریت آمر دوکتور دریاخان هڅاند ګډونوالو ته د تضمین کیفیت د معیارونو اړوند هر اړخیز علمي معلومات وړاندې کړل او دارنګه یې د تضمین کیفیت د معیارونو د تطبیق عملي لارې چارې او د پوهنتون د پرمختګ لپاره د هغوی د اهمیت په اړه مفصل معلومات له ګډونوالو سره شریک کړل. په دغه سمینار کې د استادانو او کارکوونکو پوښتنو ته ځوابونه ورکړل شول او ګټور نظریات شریک شول.
یاد سمینار د پوهنتون د علمي او اداري کیفیت په لوړولو کې یو مهم ګام ګڼل کېږي. تمه ده چې د یوولس ګونو معیارونو پلي کول به د پوهنتون په اعتبار، پرمختګ او د زده کړو په بهیر کې څرګندې لاسته راوړنې ولري.
د نشراتو او عامه اړیکو عمومي مدیریت
