غزني پوهنتون کې د کمپیوټر ساینس پوهنځي استادانو او د شپږګونو پوهنځیو د ستراتیژیک پلان کمیټې غړو ته د ستراتیژیک پلان د جوړولو او تدوین په اړه معلوماتي سیمینار وړاندې شو.
قمري نېټه: شوال ٣٠، ۱۴۴۶ هـ.ق
لمریزه نېټه: غویی٨، ۱۴۰۴ هـ.ش
میلادي نېټه: اپرېل ٢٨، ۲۰۲۵م
په غزني پوهنتون کې د کمپیوټر ساینس پوهنځي په نوښت د دغه پوهنځي استادانو او د شپږګونو پوهنځیو د ستراتیژیک پلان کمیټې غړو ته د ستراتیژیک پلان د جوړولو او تدوین په اړه معلوماتي سیمینار وړاندې شو.
ناسته د قرآن کریم د مبارکو آیتونو په تلاوت سره پیل شوه، چې د روحانیت فضا یې رامنځته کړه.
ورپسې د کمپیوټر ساینس پوهنځي رئیس، پوهنمل عبدالمتین میاڼې، د ستراتیژیک پلان اړوند هر اړخیزې خبرې وکړې. نوموړي د ستراتیژیک پلان د اړتیا، موخو، اصلي اصولو او عملي ګټو په اړه تفصیلي معلومات وړاندې کړل.
تر دې وروسته د اقتصاد پوهنځي استاد، پوهنمل احسان الله سعید، د ستراتیژیک پلان په اړه چمتو کړی پرزینټېشن ګډونوالو ته وړاندې کړ. چې په خپل پرزینټېشن کې یې د ستراتیژیک پلان د جوړښت، مهمو پړاوونو لکه د وضعیت تحلیل، هدف ټاکنه، د ستراتیژیو انتخاب، او د تطبیق میتودونو په اړه هر اړخیز معلومات وړاندې کړل.
د نشراتو او عامه اړیکو عمومي مدیریت
