غزني پوهنتون کې د ښوونې او روزنې پوهنځي استادانو ته د څېړنیزو ـ علمي مقالو د ډولونو او لیکنې تر سرلیک لاندې یو ورځنی علمي سمینار ترسره شو.
غزني پوهنتون کې د ښوونې او روزنې پوهنځي یو شمېر استادانو ته د څېړنیزو ـ علمي مقالو د ډولونو او لیکنې تر سرلیک لاندې یو ورځنی علمي سمینار ترسره شو.
د سمینار پیل د قرآن کریم په مبارکو آیتونو سره وشو.
ورپسې د یاد پوهنځۍ د تاریخ څانګې استاد دوکتور محمد شریف ادیب د څېړنیزو مقالو د لیکلو اړین اصول تشریح کړل. چې پکې د مقالاتو پېژندنه، د څېړنیزو-علمي مقالو ډولونو د مقالاتو لپاره د موضوع ټاکنه، د سرچینو کارونه، د لیکلو معیارونه، د مقالو علمي جوړښت او د نړیوالو سټنډرډونو مطابق د مقالو خپرولو طریقو اړوند مفصل معلومات یې وړاندې کړل.
استادانو د پوښتنو په برخه کې خپلې پوښتنې مطرح کړې او د ښاغلي ادیب له لوري ورته مسلکي ځوابونه ورکړل شول.
د نشراتو او عامه اړیکو عمومي مدیریت
شنبه، ١٨، ربیع الثاني،۱۴۴۷هـ.ق — ١٩، مېزان، ۱۴۰۴ هـ.ش
