غزني پوهنتون کې د لیلیې محصلینو ته د عقیدوي زده کړو په برخه کې پیل شوی دری ورځنی دیني سمینار پای ته ورسید.
غزني پوهنتون کې د لیلیې محصلینو ته د عقیدوي زده کړو په برخه کې درې ورځنی دیني سمینار، چې د دعوت او ارشاد آمریت له لوري برابر شوی و، نن ورځ پای ته ورسېد.
په دغه سمینار کې د چې د یاد آمریت آمر مولوي رحمت الله خلیل له لوري وړاندې کېده د لیلیې ټولو محصلینو ګډون کړی و. ګډونوالو ته د عقیدې اصول، د اسلامي دعوت او لارښوونې ارزښت، د ځوان نسل د فکري روزنې اړتیا او د افراطیت او بېلارېتوب د مخنیوي په اړه ویناګانې وړاندې شوې. د سمینار پرمهال ښاغلي خلیل ټینګار وکړ چې د عقیدې سمه پوهه د اسلامي ټولنې د یووالي او فکري ودې بنسټ جوړوي.
محصلینو هم د دغه سمینار د جوړېدو هرکلی وکړ او څرګنده یې کړه چې دغي درې ورځنۍ علمي غونډې هغوی ته ګټور معلومات او نوې ديني او فکري لیدونه ورکړل.
د نشراتو او عامه اړیکو عمومي مدیریت
پنج شنبه ، ۶ جمادی الثانی ۱۴۴۷ هـ.ق— ۶ قوس ۱۴۰۴ هـ.ش
