غزني پوهنتون کې د علمي شورا نوبتي ناسته ترسره شوه.
قمري نېټه: ربیع الاول ،٢٩، ۱۴۴۷ هـ.ق
لمريز نېټه: سنبله، ٣١ ، ۱۴۰۴ هـ.ش
مېلادي نېټه: سپتامبر، ٢٢ ، ۲۰۲۵م
غزني پوهنتون کې د علمي شورا نوبتي ناسته، د دغه پوهنتون عمومي رئیس الحاج مولوي عبدالواسع منصور په مشري ترسره؛ چي پر مهال یې د رهبرۍ غړي، د پوهنځيو رئیسان او د څانګو آمرین حاضر وو.
ناسته د قرآن کریم د څو مبارکو آیاتو په تلاوت سره پېل شوه.
ورپسې عمومي رئیس ښاغلي منصور ټولو ګډونوالو ته د ښه راغلاست او هرکلي ترڅنګ د پوهنتون د نصاب کتنې د چارو پر چټکتیا او له رهبري سره د راپور په شریک کولو یې ټینګار وکړ. او زیاته یې کړه چې دغه چاري باید ټاکل شوې کمېټه ژر تر ژره نهایې څو یې راپور له وزارت سره شریک کړو.
دارنګه د نوي اجنډا له مخې پر یو لړ علمي موضوعاتو بحث وشو، چې د پوهنتون ۱۴۰۴ هـ ش کال د دوره یې بیا کتنې عملیاتي پلان تائیدي، د معلوماتي ټیکنالوژي مرکز وسائلو څخه د ګټې اخیستنې پر مېکانیزم، د مختلفو پوهنځیو د استادانو د علمي ترفیعاتو د دوسیو د تائیدي ترڅنګ په یو لړ نورو متفرقه موضوعاتو هم بحث او خبري اتري ترسره او په اړه یې لازمي پریکړي وشوې.
د نشراتو او عامه اړیکو عمومي مدیریت
