غزني پوهنتون کې د رهبرۍ شورا نوبتي ناسته ترسره شوه؛ او په پوهنتون کې د جدولونو او شنو ساحو جوړولو ترڅنګ په یو لړ نورو مهمو موضوعاتو بحث او لازمي پریکړي وشوې.
غزني پوهنتون کې د رهبرۍ شورا نوبتي ناسته د یاد پوهنتون د عمومي رئیس الحاج مولوي عبدالواسع منصور په مشرۍ ترسره شوه. چې پکې د پوهنتون مرستیالانو، د پوهنځیو رئیسانو او اړوندو مسؤلینو ګډون درلود.
ناسته د قران کریم د مبارکو آیتونو په تلاوت پیل شوه. وروسته د تیري رهبري شورا پریکړو ته د کتنې ترڅنګ د نوي اجنډا له مخې پر یو شمېر مهمو علمي او اداري موضوعاتو بحث وشو چې د استادانو له لوري د تدریس لړۍ د لا منظمولو او غوره میتودونو کارولو، په وردګ پوهنتون کې د امیرالمؤمنین حفظه الله تعالی د فرامینو په اړوند ترسره کیدونکي ملي کنفرانس لپاره د مقالو په ترتیب او لیږلو، د ضرورت او اهمیت په اساس په پوهنتون کې د راتلونکو پنځو کلونو لپاره د پراخیتایې پروژو د یوې کمېټې له لوري ترتیب او له وزارت سره شریکولو، د مسجد شریف ترمیم، په پوهنتون کې د جدولونو جوړول او د استادانو مسلکي انکشاف مرکز په تجهیز او یو شمېر نورو متفرقه موضوعاتو د بحث ترڅنګ لازمې پرېکړې تر سره شوې.
د نشراتو او عامه اړیکو عمومي مدیریت
دوشنبه، ۵ جمادی الاول ۱۴۴۷ هـ.ق— ۵ عقرب ۱۴۰۴ هـ.ش
