غزني پوهنتون کې د رهبرۍ شورا نوبتي ناسته ترسره او مبتکرو محصلینو ته د ځانګړو امکاناتو د برابرولو ترڅنګ په یو لړ نورو مهمو موضوعاتو بحث او لازمي پریکړي وشوې.
قمري نېټه: ربیع الاول ،٢٨، ۱۴۴۷ هـ.ق
لمريز نېټه: سنبله، ٣٠ ، ۱۴۰۴ هـ.ش
مېلادي نېټه: سپتامبر، ٢١ ، ۲۰۲۵م
غزني پوهنتون کې د رهبرۍ شورا نوبتي ناسته د یاد پوهنتون د عمومي رئیس الحاج مولوي عبدالواسع منصور په مشرۍ ترسره شوه. چې پکې د پوهنتون مرستیالانو، د پوهنځیو رئیسانو او اړوندو مسؤلینو ګډون درلود.
ناسته د قران کریم د مبارکو آیتونو په تلاوت پیل شوه. وروسته د تیري رهبري شورا او د لوړو زده کړو وزرات عالي شورا پریکړو ته د کتنې ترڅنګ لازم تصامیم ونیول شول دارنګه د نوي اجنډا له مخې پر یو شمېر مهمو علمي او اداري موضوعاتو بحث وشو چې د مبتکرو محصلینو لپاره د ځانګړو امکاناتو برابرول، د پوهنتون د غیر رسمي عوایدو د کنټرول لپاره د ځانګړې کمېټې جوړول.
له فراغت سره سم د محصلینو د فراغت د جدولونو د ترتیب او اسنادو وېش، د کتابونو، علمي مقالو، منوګرافونو او تیزیسونو د څېړنې او ارزونې لپاره د کمېټې ټاکل. د تدریس کېدونکو کتابونو د کتنې او ارزونې لپاره د ځانګړې کمېټې ټاکل او په کرایې اطاقونو کې د اوسیدونکو محصلینو لپاره د یو ځايې اطاقونو په برابرولو او یو شمېر نورو متفرقه موضوعاتو د بحث ترڅنګ لازمې پرېکړې تر سره شوې.
د نشراتو او عامه اړیکو عمومي مدیریت
