غزني پوهنتون کې د دعوت او ارشاد کمېټې میاشتنۍ ناسته ترسره او په یو لړ مهمو موضوعاتو بحث او لازمې پریکړې ترسره شوې.
غزني پوهنتون کې د دعوت او ارشاد کمېټې میاشتنۍ ناسته د یاد پوهنتون د علمي چارو د مرستیال مولوي محمد حیدر حمزه په مشرۍ؛ او د کمېټې د غړو په حضور کې ترسره شوه.
د ناستې پیل د قرآن کریم په مبارکو آیتونو سره وشو.
ورپسې د تېرې ناستې پریکړو ته د اطمینان د حاصلېدو په موخه لنډه کتنه وشوه.
او دارنګه د نوي اجنډا سره سم په لیلیه کې د مېشتو استادانو او کارکوونکو د پنځه وخته په جماعت سره د لمانځه د اداء کولو، له اداري او خدماتي کارکوونکو څخه د دریمې ربعي نصاب د ازموینې د ترسراوي او مکافاتو ترڅنګ په یو لړ متفرقه موضوعاتو بحث او لازمې پریکړې ترسره شوې.
او همداراز د ناستې په پای کې د کمېټې غړو پر دوامداره همغږۍ، ګډ کار او مسؤلیتپذیرۍ ټینګار وکړ او د دعوت او ارشاد د فعالیتونو د لا پیاوړتیا لپاره یې په لا زیات کار ټینګار وکړ.
د نشراتو او عامه اړیکو عمومي مدیریت
دوشنبه ، ۱۵ رجب المرجب ۱۴۴۷ هـ.ق— ۱۵ جدې۱۴۰۴هـ ش
