غزني پوهنتون کې استادانو ته د څېړنیزو ـ علمي مقالو لیکنې تر سرلیک لاندې یو ورځنی علمي سمینار ترسره شو.
قمري نېټه: ربیع الاول ،۲۹، ۱۴۴۷ هـ.ق
لمريزه نېټه: مېزان، ۱ ، ۱۴۰۴ هـ.ش
مېلادي نېټه: سپتامبر، ۲۳ ، ۲۰۲۵م
غزني پوهنتون کې د څېړنو او علمي مجلې معاونیت له لوري د بیلابیلو پوهنځیو یو شمېر استادانو ته د څېړنیزو ـ علمي مقالو لیکنې تر سرلیک لاندې یو ورځنی علمي سمینار ترسره شو.
د سمینار پیل د قرآن کریم په مبارکو آیتونو سره وشو.
ورپسې د ښوونې او روزنې پوهنځۍ د تاریخ څانګې استاد دوکتور محمد شریف ادیب د څېړنیزو مقالو د لیکلو اړین اصول تشریح کړل. چې پکې د مقالاتو پېژندنه، د څېړنیزو-علمي مقالو ډولونو د مقالاتو لپاره د موضوع ټاکنه، د سرچینو کارونه، د لیکلو معیارونه، د مقالو علمي جوړښت او د نړیوالو سټنډرډونو مطابق د مقالو خپرولو طریقو اړوند مفصل معلومات یې وړاندې کړل.
ګډونوالو د پوښتنو او ځوابونو په برخه کې خپلې پوښتنې مطرح کړې او د ښاغلي ادیب له لوري ورته مسلکي ځوابونه ورکړل شول. د ګډونوالو په وینا، دا ډول علمي پروګرامونه د دوی د څېړنیز ظرفیت په لوړولو کې خورا اغېزمن دي او د غزني پوهنتون لپاره د یوه نوي څېړنیز فصل پیل ګڼل کېږي.
د نشراتو او عامه اړیکو عمومي مدیریت
