غزني پوهنتون کې استادانو ته د مصنوعي ځیرکتیا (AI) څخه د علمي تحقیقاتو په برخه کې د استفادې اړوند دوه ورځنی علمي او څېړنیز سیمینار دائر شو.

قمري نېټه: محرم الحرام  ۱۸، ۱۴۴۶ هـ.ق
لمريز نېټه:  سرطان ۲۳، ۱۴۰۴ هـ.ش
مېلادي نېټه: جولای ۱۴، ۲۰۲۵م

غزني پوهنتون کې د ټولو پوهنځیو استادانو ته د څېړنو او علمي مجلې معاونیت په نوښت، "په علمي تحقیقاتو کې د مصنوعي ځیرکتیا (AI) څخه استفادې." تر سرلیک لاندې دوه ورځنی علمې او څېړنیز سیمینار ترسره شو.
د سیمینار پیل د قرآنکریم په مبارکو آیتونو سره وشو.
ورپسې د څېړنو او علمي مجلې معاونیت مرستیال پوهندوی احسان الله کامران پرانېستونکې وینا وکړه او ویې ویل :  "مصنوعي ځیرکتیا د معاصرې نړۍ د تحول یوه مهمه برخه ده. زموږ علمي ټولنه باید له دغې ټیکنالوژۍ څخه د څېړنو په برخه کې ګټه پورته کړي، څو موږ له نړیوال علمي پرمختګ سره همغږي وساتي." او زیاته یې کړه چې نور دیته ورته علمي کنفرانسونو او سیمینارونه یې هم ترتیب او تنظیم کړي چې وخت وخت به دائر شي.
وروسته د خاتم النبیین خصوصي پوهنتون د اقتصاد پوهنځي رئیس دوکتور پوهنیار جلیل کریمي د مصنوعي ځیرکتیا( AI ) پېژندنه،  او د هغې بنسټیز اصول او نورو وسیلو پېژندنه لکه perpexlity، notebooklm او په علمي څېړنو کې د AI تطبیقات، څنګه لیکوالان کولی شي له AI څخه د ډیټا تحلیل، ژبني تصحیح، او ریفرنس جوړونې په برخو کې معلومات وړاندې شول او ګډونوالو ته وښودل شول چې څنګه دغه وسایل د څېړنیزو مقالو لیکنه اسانه کولای شي.

په اخیر کې استادانو دا سیمینار یو ارزښتناک ګام وباله او زیاته یې کړه زموږ لپاره دا مهم بحث و. موږ باید زده کړو چې څنګه له AI وسایلو څخه ګټه واخلو.

د نشراتو او عامه اړیکو عمومي مدیریت