غزني پوهنتون کې اداري کارکوونکو ته د شرعي نظام په استحکام کې د اطاعت اغېزي فرمان د تطبیق او ښه پوهاوي په موخه سمینار تر سره شو.
غزني پوهنتون کې د دعوت، ارشاد آمریت او نشراتو او عامه اړیکو عمومي مدیریت په ګډه همکاري اداري کارکوونکو ته د شرعي نظام په استحکام کې د اطاعت اغېزې فرمان اړوند علمي او د عامه پوهاوي سمینار تر سره شو.
د سمینار موخه دا وه چې د اداري کارکوونکو د دندو په ترسره کولو کې د اسلامي اصولو او شرعي ارزښتونو د پلي کېدو اهمیت روښانه کړي، او هغوی ته وښيي چې د اطاعت، تقوا او مسؤلیت احساس څنګه د یوه سالم، باانضباط او مشروع نظام د ټینګښت لامل ګرځي.
دغه سمینار د دعوت او ارشاد آمر مولوي رحمت الله خلیل له لوري وړاندي شو چي پکي د اطاعت مفاهیم، د امیر د اطاعت په اړه شرعي دلایلو او علمي استنادونو په رڼا کې تشریح کړل. ګډونوالو ته د شرعي اطاعت او اداري مسؤولیت ترمنځ د اړیکې په اړه مفصل معلومات وړاندې شول.
دغه ډول سمینارونه د پوهنتون د علمي او اخلاقي فضا د لا غښتلتیا او د اسلامي ارزښتونو د ترویج لپاره یو اغېزمن ګام بلل کېږي.
د نشراتو او عامه اړیکو عمومي مدیریت
شنبه، ۲۵، ربیع الثاني،۱۴۴۷هـ.ق — ۲۶، مېزان، ۱۴۰۴ هـ.ش
