غزني پوهنتون کې اداري او خدماتي کارکوونکو ته د امر بالمعروف او نهی عن المنکر قانون د تدریس لړۍ په منظم ډول جریان لري.
غزني پوهنتون کې د دعوت او ارشاد امریت له لوري د اسلامي او ټولنیزو ارزښتونو د پیاوړتیا په موخه اداري او خدماتي کارکوونکو ته د امر بالمعروف او نهی عن المنکر قانون د تدریس لړۍ په منظم او دوامدار ډول جریان لري.
یاده تدریسي لړۍ د دعوت او ارشاد د آمر مولوي رحمت الله خلیل له لوري په اونۍ کې هره یکشنبه او دوشنبه پر مخ وړل کېږي، چې پکې د امر بالمعروف او نهی عن المنکر د قانون مهمې مادې، شرعي او ټولنیز اصول، د اداري اخلاقو ارزښت، د دندې پر مهال د اسلامي چلند مراعت، او د ټولنې په اصلاح کې د هر وګړي مسوولیتونه تشریح کېږي.
په ورته مهال اداري او خدماتي کارکوونکي هم د دغي تدریسي لړۍ هرکلی کوي او څرګندوي چې دغه درسونه د هغوی د دیني پوهې د زیاتوالي تر څنګ، د کاري مسوولیتونو په سم درک او ښه اجرأ کې ورسره مرسته کوي.
د یادونې وړ ده چې د دغو درسونو ترڅنګ د یاد آمریت له لوري ټاکل شوی نصاب هم اداري او خدماتي کارکوونکو ته په منظمه توګه هره اونۍ تدریس کیږي.
د نشراتو او عامه اړیکو عمومي مدیریت
یکشنبه ، ۱۴ رجب المرجب ۱۴۴۷ هـ.ق— ۱۴ جدې۱۴۰۴هـ ش
