غزني پوهنتون د څېړنو او علمي مجلې معاونیت د خپلو کړنو او لاسته راوړنو راپور د لوړو زده کړو وزارت له څېړنو، تالیف او ژباړې ریاست سره د انلاین کنفرانس له لارې شریک کړل.
قمري نېټه: ربیع الثاني ،٤، ۱۴۴۷ هـ.ق
لمريزه نېټه: مېزان، ٥ ، ۱۴۰۴ هـ.ش
مېلادي نېټه: سپتامبر، ٢٧ ، ۲۰۲۵م
د غزني پوهنتون د څېړنو او علمي مجلې معاونیت مرستیال پوهنمل عبدالمتین میاڼي د لوړو زده کړو وزارت د څېړنو، تالیف او ژباړې ریاست په نوښت جوړ شوي انلاین کنفرانس کې د یاد معاونیت د مهمو کړنو او لاسته راوړنو راپور وړاندې کړ.
په دغه غونډه کې چې د هېواد د بېلابېلو پوهنتونونو د څېړنو او علمې مجلې معاونیتونو مرستیالانو، آمرینو، څېړونکو او د لوړو زده کړو وزارت اړوندو مسئولینو برخه اخیستې وه، د غزني پوهنتون استازي د تېر یو کال په ترڅ کې د څېړنو د ودې، علمي مقالو د خپرولو، او د علمي مجلې د معیار لوړولو په برخو کې ترسره شوي کارونه تشریح کړل.
ښاغلي میاڼي زیاته کړه چې د غزني پوهنتون څېړنیزې پروژې د علمي معیارونو د پیاوړتیا او د استادانو او محصلینو د څېړنیزو ظرفیتونو د لوړولو لپاره ګټورې پایلې درلودلې او پلان لري چې په دغه برخه کې لا نوري مهمي کړني ترسره کړي.
د لوړو زده کړو وزارت د څېړنو، تالیف او ژباړې ریاست د غزني پوهنتون د هڅو ستاینه وکړه او د نورو پوهنتونونو لپاره یې د الهام وړ وباله.
د نشراتو او عامه اړیکو عمومي مدیریت
