د مالیې وزارت څخه راغلي هیئت د غزني پوهنتون د مالي او حسابي چارو، لګښتونو، عوایدو او ترسره شوو مالي حسابونو څخه هر اړخیزه ارزونه ترسره کړه.
غزني پوهنتون ته د مالیې وزارت څخه راغلي هیئت د مالي او حسابي چارو د ارزونې په موخه دغه پوهنتون ته سفر وکړ. یاد هیئت د خپل رسمي سفر په ترڅ کې د پوهنتون د مالی چارو، لګښتونو، عوایدو، اسنادو او ترسره شوو حسابونو هر اړخیزه ارزونه او څېړنه ترسره کړه.
په ورته مهال د یاد پوهنتون د مالي او اداري چارو مرستیال الحاج شیخ عبدالهادي ذوالهادي د راغلي هیئت هرکلی وکړ او د پوهنتون د مالي او حسابي چارو اړوند یې لازم معلومات، اړونده اسناد، شواهد او راپورونه ورسره شریک؛ او په اړه یې هر اړخیز معلومات ورکړل. چې په پایله کې د مالیې وزارت هیئت د مالي شفافیت، د بودیجې د سمې مصرفېدنې، د عوایدو د راټولولو څرنګوالي او حسابي اسنادو د ثبت او ساتنې وضعیت وارزاوه.
او د غزني پوهنتون د مالي ټیم هڅې یې وستایلې او ویې وویل چې د مالي چارو د لا پیاوړتیا لپاره به لازمې لارې چارې او وړاندیزونه هم وړاندې کړي، څو د مالي حسابونو په برخه کې نور هم موثریت رامنځته شي.
په اخېر کې شیخ صاحب د مالیې وزارت څخه د راغلي هیئت د ارزونې په موخه مننه وکړه او څرګنده یې کړه چې پوهنتون د شفافیت، حساب ورکولو او مسؤلانه مالي مدیریت په برخه کې خپلو معيارونو ته ژمن دی.
د نشراتو او عامه اړیکو عمومي مدیریت
شنبه ، ۱۵ جمادی الثاني ۱۴۴۷ هـ.ق— ۱۵ قوس۱۴۰۴ه ش
