د لوړو زده کړو سرپرست وزیر غزني پوهنتون ته د رسمي سفر پرمهال په دغه پوهنتون کې د (۳۰) میلیونه افغانیو په ارزښت څلور لویې زیربنایې پروژې منظوري کړې.
سه شنبه : ۱۷/جمادی الاول/۱۴۴۶ه.ق
۲۹/عقرب/۱۴۰۳ه.ش
۱۹/نوامبر/۲۰۲۴م
تېره ورځ د لوړو زده کړو محترم وزیر شیخ الحدیث مولوي ندامحمد ندیم او ورسره مل پلاوي غزني پوهنتون ته د خپل رسمي سفر په ترڅ کې د یاد پوهنتون څخه د لیدني پرمهال په دغه پوهنتون کې د ( ۳۰) میلیونه افغانیو په ارزښت څلور لویې زیربنایې پروژې منظوري کړې.
په دغو پروژو کې، د غزني پوهنتون لپاره د غونډو او کنفرانسونو لپاره د عمومي تالار جوړول، همدارنګه د پوهنتون لپاره د عمومي کتابتون جوړول او د زراعت پوهنځئ لپاره د تحقیقاتي فارم جوړښت او د پوهنتون د عمومي مسجد پراخوالی او ترمیم شامل دي.
همدارنګه یې د یاد پوهنتون د ټولو پوهنځیو لپاره د نویو کتابونو اخیستلو لپاره ځانګړي بودجه منظوره کړه چې چاري به یې په راتلونکي وخت کې پیل شي.
د نشراتو او عامه اړیکو عمومي مدیریت
