د غزني پوهنتون د چاپیریال پاکوالي او ساتني په موخه عمومي اشر ترسره شو.
نېټه او ورځ:
سه شنبه، ۲۹ جمادیالثاني ۱۴۴۶ هـ ق
۱۱ جدی ۱۴۰۳ هـ ش
۳۱ دسمبر ۲۰۲۴ م
تېره ورځ د غزني پوهنتون د چاپیریال پاکوالي او ساتني په موخه د پوهنتون د خدماتي کارمندانو په ګډون یو عمومي اشر ترسره شو.
دغه اشر د حفظ او مراقبت مدیریت په لارښوونه د مدیر محمد سنایي نسیم په مشرۍ ترسره شو. چې پکې د پوهنتون ټولو خدماتي کارکوونکو په همغږۍ او هڅو د پوهنتون ټولې ساحې له هر ډول کثافاتو پاکې شوې.
د اشر موخه د پوهنتون د چاپېریال پاکوالی او د صحي فضا برابرول و، چې په دې پروسه کې د ټولو خدماتي کارمندانو ګډو هڅو د پام وړ پایلې لرلې.
دغه فعالیت د پوهنتون د چاپېریال د ښکلا او پاکوالي په برخه کې یو مهم ګام و،
د نشراتو او عامه اړیکو عمومي مدیریت
