د غزني پوهنتون د شرعیاتو پوهنځي د اسلامي ثقافت دیپارټمنټ آمریت لپاره یو تن آمر معرفي او په دنده یې پیل وکړ.
یکشنبه: ۳/ربیع الثاني/۱۴۴۶ه.ق
۱۵/مېزان/۱۴۰۳ه.ش
۶/اکټوبر/۲۰۲۴م
د غزني پوهنتون شرعیاتو پوهنځي د خپلو چارو د لا ښه سمون او په چارو کې د خنډ او ځنډ د مخنیوي په موخه د اسلامي ثقافت ډیپارټمنټ آمریت لپاره ښاغلی استاد شیرعلي ابو یوسف د پوهنتون د مالي او اداري چارو مرستیال مولوي محمد جاوید خالد، د محصلانو چارو مرستیال انجنیر محمد عثمان منیب، او د شرعیاتو پوهنځی رئیس مولوي سراج الدین عمر منصور او د ياد پوهنځي د استادانو له لوري نن ورځ رسماً معرفي او په دنده یې پیل وکړ، د دغه آمر د معرفت پر مهال د شرعیاتو پوهنځي رئیس ښاغلي عمر منصور دغه آمر ته د مبارکي ترڅنګ په خپلو چارو کې له الله ج نه بریا وغوښته او ویې ویل چې تاسو ته اوس یو خدایې مسؤلیت در له غاړي شو نو اوس باید خپلو کارونو ته لاښه متوجه او دغه درسپارل شوي چاري د کلک هوډ او قوي ارادې له مخي سرته ورسوې او د پوهنتون او یاد پوهنځی د چارو د ترقي او د کارونو د پرمختګ لپاره کار وکړې، همدارنګه د محصلانو چارو مرستیال ښاغلي منیب هم دغه آمر ته د مبارکي ترڅنګ په کارونو کې د لا بریالیتوبونو غوښتنه وکړه او ورسپارل شوي مسؤلیت یې یو دروند پېټی یاد کړ او ویې ویل چې باید دغه مسؤلیت یو خدایې مسؤلیت وبولو او هره کړنه باید د پاک نیت او اخلاص له مخي ترسره کړو.
د نشراتو او عامه اړیکو عمومي مدیریت
